തിരൂർ പടിഞ്ഞാറെക്കരയിൽ ഇക്കഴിഞ്ഞ ദിവസം നാട്ടുകാരെ വിറപ്പിച്ച് കഴിഞ്ഞിരുന്ന ഒരു പുലിവീരനെ വലയിൽ കുടുക്കി മുത്തങ്ങ വനത്തിൽ കൊണ്ട് പോയി വിട്ട വാർത്ത നിങ്ങളും അറിഞ്ഞ് കാണും. എന്നാൽ ആ പുലിയെ പിടിക്കാൻ ഇറങ്ങി തിരിച്ച രണ്ട് പുലികൾ കെടക്കണ കെടത്ത കണ്ടില്ലേ !! പുലർച്ചെ 3.30 നാണീ ചിത്രം എടുത്തതെന്ന് പറയുന്നു. നേരം പുലരുന്നതിനു മുന്നെ പുലി വലയിൽ പെടുകയും ചെയ്തു. വഴി തെറ്റി ആ പുലിയെങ്ങാനും ഈ വഴി വന്നിരുന്നെങ്കിൽ ഈ കാഴ്ച കണ്ട് നാണിച്ച് പോയേനേ !! അടി(കിട്ടാതിരിക്കാനുള്ള) കുറിപ്പ് :
യുവാക്കൾ നാടിന്റെ അഭിമാനമാണ്. ധീരത യുവാക്കൾക്ക് ഭൂഷണം തന്നെ. ഓരോ പ്രദേശത്തും നടക്കുന്ന അക്രമങ്ങൾക്കും അനീതികൾക്കുമെതിരെ യുവാക്കൾ ജാഗ്രത പാലിക്കുക വേണം. ധീര യുവത്വമാണ് നാടിന്റെ പ്രതീക്ഷ. എങ്കിലും ഇതു പോലെ ഉറങ്ങിപ്പോയാൽ നീച ശക്തികൾ നിങ്ങൾക്ക് മേൽ ആധിപത്യമുറപ്പിക്കും. ജാഗ്രതൈ.
ഈ ചിത്രത്തിൽ ഉള്ള പുലികളോ അവരുടെ ബന്ധുക്കളോ ഇവിടെ വരുകയാണെങ്കിൽ ദയവായി അറിയിക്കണം. (മുങ്ങാനാണേ !!
കടപ്പാട്: സിറാജ് ഗൾഫ് എഡിഷൻ 25-03-2010
